amalinks wokungena

Breaking News

EleZimbabwe Alisoze Liphiwe Uncedo NgeleMelika Ngoba Umbuso Walo Ungasuthisi Abatshali Bemali AbeMelika


Ugatsha lwezemali.

Uhulumende weleMeleka usethule umbiko mayelana lamazwe omhlaba angawapha usizo lwemali.

Lawo mazwe kufuze atholakale esebenzisa izimali ezikhokhelwa nguzulu wesizwe lapho zihlawula izintela ezitshiyeneyo (taxes), njalo etshengisa uzulu ofuna ukwazi ukuthi zisetshenziswa njani lezo mali.

Uhulumende weleMelika uthi kufanele kube lokunctintisana okungela nkohlakalo nxa amankampani azimeleyo edinga umsebenzi kuhulumende kwezokwemba lokunye okunjalo, lokhu akumelanga kwenziwe ngensitha, kodwa kumele kwenziwe egcekeni okutshengisela ukuthi akulamfihlo.

Ilizwe leZimbabwe litholakale lingelinye lamazwe phakathi kwenani elingamatshumi ayisithupha lasitshiya ngalonye (69) angenelisanga ukubamba leso silinganiso.

Kodwa, libe ngelinye lamazwe angamatshumi amabili lasikhombisa (27), kuwonalawo atholakale esetshengisela ubungcono obuthize, ekubambeni ezomnotho, welizwe.

Intathelizindaba ye Studio Seven, uxoxe loMnumzana Joseph Tshuma, oyisiphathamandla sebandla le Zanu PF njalo eyengcwethi kwezomnotho ukuze sizwe imbono yakhe ngaloludaba.

UGaynor uphinde waxoxoa lenye njalo ingcwethi kwezombusazwe, umnu. Msongelwa ndlovu ukuze sizwe imbono yakhe ngaloludaba.

Facebook Forum

XS
SM
MD
LG