amalinks wokungena

Breaking News

Umongameli Mnangagwa Ukhangelelwe Ukwethula Amazwi Akhe eUnited Nations General Assembly Namuhla


Umongameli Emmerson Mnangagwa.

Umongameli Emmerson Mnangagwa ufike edolobheni leNew York ngoLwesibili lequla elilabantu abambalwa ababalisa abaphathintambo bakahulumende abatshiyeneyo, kanye labantwabakhe ababili besebenzisa indizamtshina yokweboleka ehlawulwa inikulungwane zamadola ngelanga

Umongameli Emmerson Mnangagwa ufike edolobheni leNew York ngoLwesibili lequla elilabantu abambalwa ababalisa abaphathintambo bakahulumende abatshiyeneyo, kanye labantwabakhe ababili besebenzisa indizamtshina yokweboleka ehlawulwa inikulungwane zamadola ngelanga.

Asenelisanga ukuzwa ukuthi iqula leli likhulu okunganani kodwa bonke abaya emhlanganweni we UN bayandise ukuphiwa inkulungwane zamadola ngelanga.

Omune wabekade beqoqe ukutshengisela lapho uMnangagwa esehla endizamtshineni egcekeni le John F Kennedy, uMnu. Zvaringeni Samuel Chasi owebandla lezombusazwe lePeople’s Patriotic Party utshele iStudio 7 ukuthi abasenelisanga ukumbona.

UMnangagwa ukhangelelwe ukwethula amazwi akhe edale le UN General Assembly ngezikhathi zantambama.

Intathelizindaba ye Studio Seven uGaynor Gumede Sayidi uxoxe lengcwethi ecubungula ezombusazwe, uMnu. Thandeko Zinti Mkandla.

please wait

No media source currently available

0:00 0:02:29 0:00

Njengoba iStudio Seven ingasekeli hlangothi uGaynor ubuye wakhuluma loMnu. Believe Gaule, owebandla leZanu-PF njalo ocubungula ezombusazwe ukuze sizwe owakhe umbono ngakhangelele ukukuzwa emazwini ka Mnangagwa.

Facebook Forum

XS
SM
MD
LG