amalinks wokungena

Breaking News

Izigilamkhuba Zitshisa Umuzi wakoMadlambudzi Wonke Lembuzi


Enye yezindlu ezitshiswe yizigilamkhuba ko Madlambudzi ePlumtree.

Abantu laba babikwa befike bacela ukukhulekelwa ngubaba walapha ekhaya ebusuku, kodwa uthe esithi kenelisi ukubanceda basebevuka ubhova bathungela izindlu ngomlilo kwatsha yonke impahla.

Uzulu wakoMadlambudzi, ePlumtree, usele ekhuza umhlola phezu kwesehlakalo sezigilamkhuba ezifike komunye umuzi phakathi kobusuku ngoLwesibili zatshisa izindlu zonke egumeni kanye lembuzi kwalotha.

Umuzi lo usesigabeni seMkhomeni.

Lanxa singenelisanga ukukhuluma lamapholisa kumbe amalunga alumndeni, omakhelwane batshele iStudio 7 ukuthi lesi yisimanga esitshiye isigaba sonke sibambe owangaphansi.

Abantu laba babikwa befike bacela ukukhulekelwa ngubaba walapha ekhaya ebusuku, kodwa uthe esithi kenelisi ukubanceda basebevuka ubhova bathungela izindlu ngomlilo kwatsha yonke impahla.

Abantu balapha ekhaya babikwa besinde ngokubalekela enkambeni yamapholisa. Omakhelane baqoqene balonda izigilamkhuba lezi umkhondo wazo waze wayaphelela emngceleni weBotswana.

Akwaziwa ukuthi kahle-kahle inhloso yabantu laba ibingeyani lokuthi vele bangobani. Sizaphanda silethulele okugcweleyo ngaloludaba kwezinye izindaba zethu.

Facebook Forum

XS
SM
MD
LG