amalinks wokungena

Breaking News

Abebandla leMthwakazi Republic Party Bathi Bavinjwe Ukwenza Umhlangano Ngomele iNkayi South Edale Lephalamende


UMnu. Mqondisi Moyo, umkhokheli webandla leMthwakazi Republic Party.

Ibandla eliphikisayo eleMthwakazi Republic Party, lithi lavinjwe ngempelaviki ukuqhuba umhlangano wokukhankasela ilunga lebandla leli, uMnu. Mfulongatshi Thembisani Mpofu.

UMpofu udinga ukumela iNkayi South edale lephalamende kukhetho oluzakwenziwa ngomnyaka ozayo.

Ibandla leli ithi kulilungelo lamabandla wonke elizweni ukukhankasa bedinga usekelo ngokwenza imihlangano yama rally. Bathi njalo, bebephiwe imvumo ngamapholisa yokuba lalumhlangano, kodwa bezwe sebetshelwa ukuba kuleminye imihlangano eqoqiweyo ngummeli walindawo edale lephalamende, uNkosikazi Stars Thebe Mathe.

Kodwa uMaThebe uyakwala lokhu esithi ubezihambahambela abebandla leMthwakazi Republic Party bethuka basabalala.

“Angivumi ukuthi bengingawufuni (umhlangano weMRP). Ngingabalela njani ukwenza umhlangano wabo? This is a free Zimbabwe. Okukhulu yikuthi silandela imithetho efunwa nguhulumende, yokucela imhlangano emapholiseni.

“Lami nxa ngilemhlangano, ngi-filler i-form yami ngihambise emapholiseni. So, ukuthi benze njani, nini, sikhathi bani, njalo ngaphi, hayi, angikudingi mina ngoba angisilo lunga lebandla labo.”

Bacine sebeyekela ukuqhuba lumhlangano njalo sebebizelwe amapholisa. UMnu. Mqondisi Moyo, umongameli weMthwakazi Republic Party, uthi uMaThebe ubathwalise nzima.

"Ye, ngiyezwa ukuthi uMP weZanu-PF uStars Mathe uyalandula okwenzakale eCross Zenka ngoLwesihlanu mhlaka 23 September 2022. Okwenzekalayo yikho lokho; sathi sizasuka koBulawayo ntambama mhlaka 22, sathola umbiko othi amapholisa eNkayi athi ayehlulekile, athi angeke akliye i-rally yethu yase Nkayi, eCross Zenka laseSimbho futhi eNkayi khonale.”

“Bathi bona kabala manpower, kabala bantu abangenelisa ukuthi babancedise ukuthi balinde umhlangano wethu, ngesizatho sokuthi yena umama uStars Mathe lowo, laye ulemhlangano yakhe khonapho eCross Zenka duze lalapho esasizayenza khona umhlangano wethu, laseSimbho. Isimanga yikuthi i-date ka-23 laye uStars kwakuthiwa ufakile eCross Zenda, lamhlaka 24, wafaka futhi eSimbho”.

Facebook Forum

XS
SM
MD
LG