WASHINGTON DC...........
Sokumele abambe aqine amaqqembu omdlalo wenguqu adlalela isigaba saphezulu eseCastle Lager Premier Soccer League, umncintiswano ususuke phezulu kwengalane yemiklomelo ususiya kulawo asemsileni aselwela ukuthi aqhubeke ekulesi sigaba.
Amaqembu alemiklomelo ephansi kwamatshumi amathathu lanhlanu athi, iYadah, Cranbourne Bullets, Caps United, ZPC Kariba, Tenax, Harare City, Bulawayo City le Hwahwa yiwo aselwisa ukuthi angagunyulwa esesiya esigabeni sikaDivision One. I Hwahwa yiyo esemsileni ilemiklomelo engamatshumi amabili kuphela.
Emidlalweni edlalwe namhlanje, i Harare City ibe ngutshiki lombaqaha 1-1 leNgezi.
I ZPC Kariba yatshaya iManica Diamonds 3-0.
I Bulawayo City yanqoba iBulawayo Chiefs 1-0.
Amaqembu akuDivision One, athi, ele Green Fuel, Simba Bhora, Shesham leHwange asemelele ukungena esigabeni sephazulu esePSL ukuthatha izikhundla zalawo ayabe esehlulekile ukuthola imiklomelo eneleyo yokuthi aqhubeke ekulesi sigaba.
EyangeSonto imidlalo yona imi kanje:
I Chicken Inn inqikilana le Highlanders – eBarbourfields
I-Triangle idlala le Yadah - eGibbo
