Ingozi yokudubuka okwenzakale egarajini lamafutha ezimotha edolobheni eleDonegal ngenyakatho yakweleIreland ngolweSihlanu emini, ibulele abantu abalitshumi, kwalimala abangamatshumi amabili. Amapholisa athi alokhu esawuphenya lumonakalo ukuze bazi imbangela.
Omunye walabo abafele kulingozi yisizalwane sase Zimbabwe ebe sihlala kwele Ireland, uMnu. Robert Garwe obeleminyaka engamatshumi amahlanu, kanye lendodakazi yakhe ebileminyaka emihlanu. UMnu. Garwe obedabuka eHwedza eMashonaland East, wehlelwe yilingozi, esiyathenga ikhekhe lomcimbi welanga lokuzalwa kukankosikazi wakhe, ephelekezelwa yindodakazi yakhe.
Isehlakalo lesi sitshiye izakhamizi zalindawo zithithibele njalo zilokudana okukhulu. UMeya wedolobho leli uthe sekubuthaniswe imali efika phose inkulungwane ezingamakhulu amabili amaEuro-EU170,000 eyokuncedisa imuli ezilahlekelweyo.
Istudio 7 ixhumane loMnu. Darlington Dube oyisizalwane se Zimbabwe esihlala edolobheni elakhelane leleDonegal okwenzakale lingozi.
“Ingozi iyehleke endaweni ebizwa ngokuthi yiDonegal. IDonegal ilidolobho elingumakhelwane weSligo.Lapho okuvele khona ingozi ye-explosion. I-explosion yakhona bathi iyenzeke e-garage, then kwasoku-affecter a tow-storey building ele-busy shopping complex khonapho.” Kutsho uDube
"Phakathi kwabantu abangu 10, kulezizalwane zaseZimbabwe; ubaba ona50 years, igama lakhe lingu Robert Garwe. Ubehamba lendodakazi yakhe uShauna Garwe ona 5 years. Bebeyothenga i-birthday cake for umama wendodakazi kababa uGarwe lo otshonile.” Kwengeza uDube
“Phakathi kwabantu bonalaba abatshonile abangu 10, kukhona abanye abalimele. Oyi-1 ulama-serious burn injuries uthwalelwe esibhedlela senhloko-dolobho yalapha eIreland, eDublin. Then abanye abangu-7 abaku-stable condition bathwalelwe esibhedlela saseLetterkenny, okungelinye ledolobha elikhonalapha eIreland. Labo bangu 7 bathi baku-stable condition.”Kugqiba uDube