UNkosazana uAbigail Gamanya, intathelizindaba elodumo njalo obephatheke kumkhankaso wezokulinganiswa kwamathuba abesifazane labesilisa obhubhe NgoMvulo, ubekiwe ngoLwesine emathuneni eWarren Hills, eHarare.
Abavalelise umuyi emzini wakhe eGreendale, bamchaze njengomuntu owayezinikele emsebenzini wakhe, ekhuthele ekuphakamiseni abantu, okugoqela intathelizindaba kanye labakuhlangothi lwezombusazwe kakhulukazi abesifazane.
UNkosikazi Audry Charamba uthi balahlekelwe kakhulu njengentathelizindaba zesifazana.
Eyinye intathelizindaba elodumo owasebenzisana lomuyi, uMnu. John Masuku, uthi uNkosazana Gamanya utshiye isikhala esikhulu kwezokuthapha indaba lokunye.
UNkosazana Viviane Marara, ngeyinye njalo intathelizindaba esebenze kakhulu lomuyi uNkosazana Gamanya.
Abaze esililweni sika Gamanya bagoqela abezombusazwe.
Umkhokheli webandla leCitizens Coalition for Change, uMnu. Nelson Chamisa, uthi uGamanya ubengumuntu wabantu.
Umsekeli kamphathintambo wezokukhitshwa kwezindaba, uMnu. Kindness Paradza, uthi uhulumende labakumsebenzi wokwethulwa kwezindaba balahlekelwe kakhulu ngalimfa.
UNkosikazi Gamanya ubhubhe ngoMvulo mhla ka 10 Mfumfu ngemva kokuhlaselwa yisihlabo i-pnemonia, eseleminyaka engamatshumi amane lathoba munwe munye-49 njalo utshiye ingane eyodwa.