amalinks wokungena

Breaking News

Uhulumende Uthi Ababulawelwa Izihlobo Ngesikhathi seGukurahundi Bazahlawulwa Kukhangelwa Udaba Ngalunye Ngalunye


Umongameli Emmerson Mnangagwa ese sigodlweni se State House ko Bulawayo ngoMculo.

UMongameli Emmerson Mnangagwa uthi sokuyisikhathi sokuqeda udaba lwe Gukurahundi ngoba lusenqabela ingqubelaphambili yelizwe.

UMnangagwa ubegqiba umkhosi wokukhulumisana nge gukurahundi ngenjongo yokukhumisana umlotho.

Induna zomdabu yizo ezakhethwa ukuthi zikhokhele loluhlelo. Induna lezi ziphe uMnnagagwa ugwalo olumumethe izikhalazo zabantu be Matabeleland ezibalisa ukungathuthukiswa kwesigaba se Matabeleland, ukufuthelana kukazulu, ubuyanga esigabeni bubangelwa yiGukurahundi, ukungethembi uhulumende lokumesaba, ukungaphiwa incwadi zokuzalwa lokunye.

Umphathintambo wezokwethulwa kwemibiko, uNkosikazi Monica Mutsvangwa utshele ithathelizindaba ngemva komhlangano lo ukuthi indaba zokuhlawulwa kwababulawelwa izihlobo luzakhangelwa ngalunye - ngalunye.

Uthi njalo induna yizo ezizaphathisa emasikweni okungcwaba amathambo alabo ababulawa yigukurahundi.

Ke sizwe amazwi kaMnangagwa ekhuluma ngaloludaba:

Kunjalo nje, abahlaziya ezombusazwe kanye labamabandla aphikisayo, basola uMongameli Mngangagwa ngokukhetha ukuphatheka engxoxweni yombuqazwe weGukurahundi ngesikhathi kulodlakela lwezombusazwe esigabeni se Matabeleland.

Ukuhlaziya loludaba uGaynor Gumede Sayidi weStudio 7 uxoxe lengcwethi ecubungula ezombusazwe, uMnu. Thandeko Zinti Mkandla.

UGaynor ubuye waxoxa loMnu. Believe Gaule, omunye wamalunga ebandla leZanu-PF.

Facebook Forum

XS
SM
MD
LG