amalinks wokungena

Breaking News

Umkhokheli Wakwele Bhilithane uLiz Truss Olensuku Ezifika 45 Esesikhundleni Usetshiye Umsebenzi


UNkosikazi Liz Truss
UNkosikazi Liz Truss

Umkhokheli wakwele Bhilithane, uNkosikazi Liz Truss, olensuku ezingamatshumi amane lanhlanu – 45 wakhethwa ngabakubandla leConservative Party ukuba abambe isikhundla sika Mnu. Boris Johnson, usetshiye umsebenzi.

Abezindaba abeAssociated Press babika ukuba uNkosikazi Truss utshiye isikhundla lesi kulandela ukukhonona kukazulu ngendlela abambe ngayo ezomnotho lokunye.

Ukwehlulela kwakhe ukulungisa umnotho, omatasatasa okwamanje, kudale inzondo emangalisayo kubandla lakhe kwenza ukuba abanye bezame ukumsusa esikhundleni.

Ubetshele intathelizindaba ngoLwesine ukuthi kayindawo.

Ukusuka kwakhe esikhundeni lesi, kutshiye ibandla lakhe lidinga umkhokheli omutsha ongamanyanisa amacele alwisana okumangalisayo kubandla leConservative Party.

UJohnson, owayengumkhokheli webandla leli kanye lelizwe, laye waphuma esikhundleni exotshaniswa njengomvundla.

Abanye bakhe labaphikisayo bathi ngumuntu owayethanda ukukhuluma amanga ngezinto ezinengi ayezenza.

XS
SM
MD
LG