Inkantolo yeHigh Court zolo inqume ukubana umthetho othi inkampani kahulumende eyeZupco yiyo yodwa emele ithwale abantu awukho emthethweni.
Umahluli walinkundla uJustice uJustice Evangelista Kabasa wesule isahluko sesine somthetho wePublic Health Covid-19 Prevention, Containment and Treatment (National Lockdown) Order 2020 kulandela ukukhwezwa kwaloludaba emthethwandaba ngamagqwetha eZimbabwe Lawyers for Human Rights emele inhlanganiso yeTshova Mubaiwa.
Umthetho lo ufakwe ngomnyaka ka2020 uhulumende esithi ujonge ukwenqabela umkhuhlane weCovid-19 njalo esola imitshova esithi owindi bahlukuluza uzulu.
Phansi kwawo, amakhombi ebesevunyelwa ukusebenza kuphela nxa ephansi kweZupco.
Kodwa uhulumende usuke wavumela amakhombi ukuthi asebenze njalo kunyanga ezisanda kwedlula ngemva kokukhonona kukazulu ngoba izimota ezithwala abantu besezisilela emgwaqweni.
Sixoxe lolwela amalungelo oluntu uMnu Mbuso Fuzwayo.
