Uhulumende ubika ukuba uYasha Mafidi Mnangagwa, umzukulu kaMongameli Emmerson Mnangagwa, kasekho.
Iwofisi kamongameli ithi uYasha, obeleminyaka yokuzalwa emihlanu, ubhubhele esibhedlela ngeSonto eHarare.
UYasha ngumtaka Sean Mnangagwa, indodana kamongameli.
USean Mnangagwa kuthiwa ngomunye wabakumdeni wakoMnangagwa abenelisa ukucatshisa uyise ngesikhathi edingwa ngamehlo abomvu ngowayengumongameli uRobert Mugabe ngomnyaka ka2017 esanda kumxotsha ukuba ngumsekeli kamongameli.
USean wadinga amacebo okuhambisa ngudlu uyise kwele Mozambique lakwele South Africa.
UMnangagwa waphenduka ekhaya esehlale kwele South Africa okwesikatshana. Wabambisana lebutho basusa uMugabe esikhundleni.