Umbalisi we Harare umiswe emthethwandaba ngemva kokuthumela umlayezo enkundleni ye Whatsapp eyamatitshala awe ePworth High School.
U-Edith Mupondi ubikwa waloba esola amanye amatitshala awaqamba ngamagama esithi balwisana labantu abalwela ilungelo labo lokuthi bathole iholo eleneleyo.
UMupondi, obesemthethandaba izolo, wetheswa icala lokwephula umthetho wezePoso, owe Postal and Telecomunications Act othi kulicala ukuthumela umlayezo ongasiqiniso kumbe obangela ukuthi abantu bangahlaliseki kuhle.