Umkhankaso wokhetho lwama by elections eBinga olwezihlalo zamakhansila ayisithupha usukuzinga eliphezulu, abe Zanu PF besithi bazake benqobe kulesi sigaba.
Isigaba se binga sihlezi singesebandla eliphikisayo kusukela ngomnyaka ka 2000.
Sikhuluma nje uhulumende usesungule inhlelo ezinengi ezijonge ukuthuthukisa lesi sigaba ezibalisa ukuqhelisa isibhedlela, ukwakha imigwaqo, ukupha izakhamizi izikepe zokugola inhlazi, ukwakha isikolo sokuqeqetsha abongi, ukugebha izikotsho lokunye okunengi nengi.
Ngenynga edluleyo ibandla le MDC-T laxotshisa amakhansila kumanisipala webinga ayisithupha esetheswa icala lokusebenzelana lebandla le CCC.
Umanisipala webinga ulamakhansila angamatshumi amabili lanye.
Idale lenomination court lihlale mhla ziku 6 kuyonale inyanga lamukela amaphepha abazancintisa.
Sixoxe lesiphathamandla sebandla le Zanu PF, uMnu. Kudakwashe Munsaka ukuze sizwe imbono yakhe ngaloludaba.
Njengoba iStudio Seven ingasekeli hlangothi, siphinde saxoxa lomgcinisihlalo webandla le CCC esigabeni se Matabeleleland North, uMnu. Prince Dubeko Sibanda saqala ngokumbuza ukuthi umkhankaso wabo uhamba njani?