amalinks wokungena

Breaking News

UAlbert Nyathi LoMajaivana Baqoqa Imcimbi Embalwa Eyokuhlonipha Abantu Asebekhulile eZimbabwe


Albert Nyathi

Imbongi elodumo, uAlbert Nyathi, lomculi owaziwa emhlabeni wonke jikelele uLovemore Majaivana, balungiselela umcimbi omkhulu owokuthakazelela insuku zabo zokuzalwa.

Ababili laba bathakazelelwa ngabantu abanengi okumangalisayo eZimbabwe lakwamanye amazwe.

UNyathi uthi umcimbi lo owakathekile kakhulu.

“As I have turned 60 ngo-November 15, which I have just done. UMajaivana umzukulu is turning 70 ngo-December mhlaka 14. Ngakho-ke sike saxoxisana loMaji ukuthi ahhh, uyazi, kuhle ukuthi sesiphile kuhle kanje. Kodwa kulabanye abantu okumele sibakhumbule - abantu abadala, ikakhulu abantu abadala abakuma homes; ama-old people’s homes, lama-nursing homes. Abadala laba basigcina; abadala laba basinika inhlakanipho; abadala laba uhlupho ngolokuthi khathesi sebengathi ba-isolated; babodwa nje.”

UNyathi uqhubekele phambili esithi, “Akesibatshengise ukuthi, njalo sibatshele ukuthi siyabathanda; siyaba khumbula. Ngakho-ke ngaleyo ndlela, sasesicabanga ukuthi hayi, lapho esivele sakhulela khona koBulawayo, sizenzela Ekuphumuleni Old People’s Home kumbe kuthiwa yi-Nursing Home. Besesibiza abase Entembeni ngale eLuveve, babuye ngapha Ekuphumuleni, sigide, sidle inyama. Sibagidele ezabo 1960s labo 1970s; abayizo abakhula bezizwa bebancane, besase bafitshazanyana.”

UNyathi uthe kulenkampani ezitshiyeneyo esezithembise ukubapha okokunatha lokudla emcimbini le, ekhangelelwe ukuba lase Harare, eRushinga leKafusi esiqintini seGwanda lapho azalelwa khona.

Uthe uzulu ofisa ukupha izipho kulaba bantu abadala ukhululekile ukwenza njalo. Kodwa uthe imcimbi le iyabe ingeyabanxusiweyo bodwa ngoba bekhangelele ukujabulisa abakhulileyo.

Uphethe ngokuthi noma uMajaivana engasoze enelise ukubuya evela kwele Melika, unina uMaNyathi kanye lomnewabo bazammela emcimbini le ezaqhutshwa mhlaka 3, mhlaka 10, begqiba mhlaka 26 kaMpalakazi eGwanda.

Facebook Forum

XS
SM
MD
LG