amalinks wokungena

Breaking News

Inkantolo Kamantshi Yehluleke Ukuthetha Udaba lukaSikhala Ngoba Amagetsi Ebengekho


High Court Zimbabwe

WASHINGTON - Umthethwandaba kamantshi ngoLwesihlanu wehluleke ukuhluza isicelo sommeli weZengeza West edale lephalamende olilunga lebandla leCCC uMnu Job Sikhala esokuthi akhululwe nge-bail ngoba bekungela magetsi.

USikhala ukhweze isicelo lesi kakutsha kulandela ukukhululwa kwamanye amalunga eCCC ayebotshwe lawo alitshumi lanhlanu ngoNhlangula besetheswa icala lokuphehla udlame eNyatsime.

Abanye ababebotshiwe bagoqela ummeli weChitungwiza North ephalamende uMnu Godfrey Sithole yena okhululwe nge-bail kumaviki ambili edluleyo kwathi abanye abalitshumi lane bakhululwa ngeviki ephelileyo.

Umthethwandaba uhlalile wahluza isicelo sikaSikhala, kodwa abatshutshisi bathe udaba lolu belungeke luqhubeke ngoba bekungela magetsi awokuthi balayithe imitshina yabo yokuthapha konke obekusenzakalayo enkantolo, okuyinto esekelwe ngumantshi.

Amagqwetha kasikhala ebekuphikisa lokhu. Umantshi uthe udaba lolu soluzahluzwa ngokugcweleyo ngoMvulo. USikhala sedlulise inyanga ezinhlanu evalelwe ejele leChikurubi Maximum Prison.

Facebook Forum

XS
SM
MD
LG