amalinks wokungena

Breaking News

Agwetshiwe Amapostoli Afunyanwe Yinkantolo Elecala Lokutshengisela Esola Umbuso kaMnangagwa


High Court Zimbabwe

WASHINGTON DC - Inkantolo kamantshi ngoLwesibili igwebe amalunga esonto yeMirirai Jehovha Apostolic Church angamatshumi amathathu lane, 34, ngemva kokuwafumana elecala lokubuthana bengatshelanga amapholisa lokuziphatha ngendlela engayisiyo, i-criminal nuisance.

Abasolwa bangamalunga njalo ebandla lezombusazwe eleZimbabwe Transfrmative Party, lona elikhokhelwa ngumfundisi wabo uMnu Kanyendura Parere.

Babotshwe ngoNtulikazi bephakathi kokutshengisela ezitaladeni zeHarare besithi uNkulunkulu kumele angenele kudaba lweZimbabwe ngoba bethwele gadalala ngokubhidlika komnotho phansi kombuso kaMongameli Emmerson Mnangagwa.

Umantshi uStanford Mambanje ubethese isigwebo sokupika okwenyanga ezintathu.

Kodwa igqwetha labasolwa uMnu Evans Moyo utshele umsakazo weStudio 7 ukuthi umantshi ubeke isigwebo lesi eceleni walaya abantu laba ukuthi kumele bahlawule iZW$12,000 yefayindi ukuze bengapiki.

UMoyo uthe njalo bazakhweza amaphepha emthethwandaba weHigh Court bephikisa ukufunyanwa kwabo belecala kanye lokugwetshwa kwabo.

Facebook Forum

XS
SM
MD
LG