amalinks wokungena

Breaking News

Sizakwenza iCongress Yethu ngoMpalakazi, Kodwa Akulamuntu Ozancintisana loMwonzora, Kutsho Ibandla keMDCT


Zimbabwe opposition leader Douglas Mwonzora addressing journalists in Harare on May 4, 2021 (VOA/Columbus Mavhunga)

WASHINGTON DC - Ibandla leMDC-T lithi lizaqhuba umhlangano wokudinga inkokheli yalo entsha, oweOrdinary Congress mhlaka 18 ngoMpalakazi, kodwa lithi akekho ozancintisana lomkhokheli walo uMnu Douglas Mwonzora edinga isikhundla sakhe.

Kumbiko awethule izolo, uMwonzora uthe umhlangano lo uzaqhutshelwa eHarare kulandelwa isisekelo sombuso webandla lakhe, i-constitution.

Kuminyaka emibili edluleyo ngo2020, ibandla leMDC-T lenze i-congress ephuthumayo, i-extra-ordinary congress, eHarare lapho okwaqhamuka khona udlakela abasekeli bakaMwonzora bahlukuluza uNkosazana Thokozana Thupe labasekeli bakhe.

Kuleyo congress uMwonzora wayencintisana loMakhupe, uMnu Morgan Komichi kanye loMnu Elias Mudzuri.

UMaKhupe yena sowaphuma kulelibandla waya kwelikhokhelwa nguMnu Nelson Chamisa eleCCC.

Isikhulumeli seMDC-T uMnu Witness Dube utshele iStudio 7 ukuthi akulamuntu ozancintisana loMwonzora ngoba ingatsha zebandla zikhethe yena kuphela ukuthi eqhubeke ekulesosikhundla.

please wait

No media source currently available

0:00 0:03:27 0:00

Facebook Forum

XS
SM
MD
LG