WASHINGTON DC - Ibandla eliphikisayo eleCitizens Coalition for Change (CCC) selisole uhulumende phezu kokusilela kwamandla kagetsi osokubangela ukuthi acitshwe okwesikhathi eside nsuku zonke.
Uzulu laye uhlaba umkhosi phezu kwaloludaba.
Kumbiko eliwethule enkundleni yeTwitter ngoMvulo, ibandla leli lithe lingavotelwa lingene embusweni, udubo lwamagetsi luzaphela ngoba lilenhlelo zokusungula izititshi zamagetsi ezintsha ezigoqela ezisebenza ngelanga, i-solar, eze-gas kanye lezisebenza ngomoya.
Ibandla leli lithi uhulumende walo uzadinga njalo amankampani azimeleyo angaphatha lumsebenzi abuye alungise isititshi seHwange leseKariba ukuze ziphehle umlilo owaneleyo, okuyikho uhulumende athi uyakwenza.
Ukusilela kwamagetsi lokhu sokubangele ukuthi amabhizimusi alahlekelwe yinzuzo enengi.
"Uhlupho lwamagetsi yinto ezwisa abantu ubuhlungu, akula-solution ekhona esingathi ingenziwa," kutsho ummeli weSoutherton edale lephalamende uMnu Peter Moyo, yena olilnuga leMDC-T.
"Njengoba ukwazi uktuhi abantu abanengi elizweni lethu bayadubeka, ngakho abenelisi ukuthenga ama-solar ukuthi baqede udubo lolu."
