Abanye Bathi Abakukholwa Ukuthi iZEC Isibhalise i-70 Percent Yabantu Abazavota Kukhetho Luka2023'

WASHINGTON DC - Abakhankasela umbuso okhululekileyo bathi abakholwa ukuthi ngempela ikhomishini yezokhetho, iZimbabwe Electoral Commission (ZEC) isibhalise abantu abayisilinganiso samatshumi ayisikhombisa ekhulwini, 70 percent, abalelungelo lokuvota kukhetho lomnyaka oluzayo.

Amanani la avezwe yisiphathamandla seZEC uMnu Utloile Silaigwana kuphephandaba leHerald ngoMvulo.

Kodwa katshongo ukuthi ngamanani abambekayo, i-70 percent ayikhulumayo le itsho ukuthi kahle-kahle sokubhalise abantu abangaki.

USilaigwana uthe njalo abantu abalelungelo lokuvota abalokhe bengakabhalisi elizweni lonke, bangamatshumi amathathu kuphela ekhulwini, 30 percent.

Lokhu kumangaze abanengi ngoba inhlanganiso eziqhuba inhlelo eziphathelane lokhetho zizimele zihlezi zikhala ngokuthi balutshwana abantu asebebhalisele ukuvota kukhetho luka2023.

Okwenza abanengi basole njalo yikuthi iZEC iyala ukuveza uluhlu lwabantu abazavota, iVoters Roll, osokudale ukuthi imangalelwe emthethwandaba.

Omunye wabasola amanani akhulunywa nguSilaigwana yingcwethi ehlaziya ezombusazwe uMnu Effie Dlela Ncube yena othe, "Ngeke kube liqiniso lelo... Ngibona lelonani liphezulu kakhulu. Akulabufakazi obukhomba lokho."

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:28 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli seZEC uMnu Japser Mangwana loSilaigwana bebengabambeki ecingweni.