amalinks wokungena

Breaking News

I-Morocco Yenze Izimanga Yangena kumaQuarter Finals eFIFA World Cup Ngemva Kokubhaxabula Omaqhuzu beSpain


FIFA World Cup Qatar 2022 - Round of 16 - Morocco v Spain

WASHINGTON DC – Iqembu leMorocco lijabulise abalandeli benguqu abanengi eAfrica ngoLwesibili ngokungena kuma-quarter finals eFIFA World Cup ngemva kokunqoba iSpain nge-3 ka 0.

Umdlalo lo uphele zingutshiki lobhanqa 0-0 kwasokuyiwa kumbwekwa yama-penalty shootouts. Abadlali beSpain ababili babanjelwe ngunozinti weMorocco kwathi oyedwa wazitshayela isigodo sentuba.

Lokhu kwephule inhliziyo zabadlali beSpain laba labasekeli babo nanku phela lelilizwe belikhangelelwe ukunqoba nje kalula ngoba lilendumela yohlonzi oluphezulu kwezenguqu.

I-Portugal yona ibhaxabule iSwitzerland nge 6-1. EleMorocco yilo lodwa iqembu lezwekazi laseAfrica elingene kuma-quarter finals eWorld Cup njalo eselizabhuqana lelePortugal ngoMgqibelo.

Ngosuku lunye iEngland izadibana leFrance, okuyilo ilizwe eliphethe inkezo yeWorld Cup okwamanje.

NgoLwesihlanu khona iCroatia izadlala leBrazil kuthi iArgentina ingqikilane leNetherlands.

“Okwenziwe yiMorocco kuyajabulisa kakhulu,” kutsho intathelizindaba elandela imidlalo le uSimbarashe Nembaware.

“Kubonisa ukuthi iAfrica layo iyenelisa ukubumba amaqembu angancintisana lamanye amazwe aziwayo ngezenguqu. I-Spain lilizwe elidume kakhulu kwezenguqu.”

please wait

No media source currently available

0:00 0:03:22 0:00

Facebook Forum

XS
SM
MD
LG