Abasekeli bebandla lama Democrats esigabeni seGeorgia kwele Melika, bajabule okwamagama ngokunqoba okwenze uMnu. Raphael Warnock, owebandla lelo, kukhetho lokudinga usenetha ozamela isigaba lesi, olwenziwe ngoLwesibili.
U-Warnock unqobe uMnu. Herschel Walker, owebandla lama Republicans.
Ngenyanga edluleyo ekaLwezi, ababili laba baphume bengungutshiki lobhanqa kuthetho lwama-Mid-Terms, ngakho-ke umthetho waseMelika wezokhetho uthi nxa impumela yokhetho ikhipha isilinganiso samavoti eseduzane laduzane, kumele luphindwe phansi kwalokhu abakubiza ngokuthi yi-runoff.
UWarnock unqobe uWalker ngesilinganiso esiphezu kwamatshumi amahlanu lanye ekhulwini - 51.4%, kwathi uWarnock yena uthole isilinganiso sokungamatshumi amane lasitshiyangalombili ekhulwini - 48.6%.
UMnu. Raphael Mthombeni, isizalwane seZimbabwe esihlala eTexas kwele Melika, uthi luqhutshwe ngemfanelo ukhetho lolu..