amalinks wokungena

Breaking News

Ibandla leMDC Lithi Yilo Kuphela Elivumela Wonke Umuntu Ukuncintisa Izikhundla Zobukhokheli


Douglas Mwonzora - MDC Alliance Presser

UMwonzora uhle wathatha leli thuba lokuveza ukuba ibandla lakhe lizancintisa kizo zonke izikhundla kusukela kwesikamongameli, amalunga edale lephalamende lamakhansila. Lokhu ukwethule emhlanganweni lentathelizindaba owenzelwe e-Harare.

Umkhokheli welinye lamabandla aphikisayo ele-Movement for Democratic Change, uMnu. Douglas Mwonzora, uthi akekho umuntu oke wethuselwa loba ukwalelwa ukuncintisa yiloba yisiphi isikhundla kukhetho abazalwenza emhlanganweni wabo omkhulu owe-Congress mhlaka 18 kuyonale inyanga eHarare.

UMwonzora uhle wathatha leli thuba lokuveza ukuba ibandla lakhe lizancintisa kizo zonke izikhundla kusukela kwesikamongameli, amalunga edale lephalamende lamakhansila kukhetho oluzayo. Lokhu ukwethule emhlanganweni lentathelizindaba owenzelwe eHarare.

“Akusimongameli ebandleni le-MDC ozakhetha abazancintisa kulolo khetho, lokho kuzakwenziwa ngamalunga ebandla.”

Lokhu kugcizelelwa ngumsekeli wakhe, uMnu. Chief Ndlovu.

“Ama-nominations abekhona abekhokhelela ekuthini sibe le-Congress; kuthi kulabo abathole ama-nominations adlula engingathi ngamatshumi amathathu, awe-percent, bebengena ekhethweni. Kungaba labantu abathathu abangathola 30, 30 maybe 40, bonke bongu-three bayangena okhethweni. So, bekungavalelwa muntu, bekulukhetho olukhululekileyo ukuthi wonke umuntu uvumelekile ukuthi angene ku-nomination for i-Congress yethu ezakuba khona mhlaka 18. Sikhangelele ukuthi sibe kuleyo-Congress, siyathokoza ngalokho esesikwenzile njenge-Party, silandela i-democracy.”

Esekhuluma ngodaba lokusilela kwamandla kagetsi elizweni, uMwonzora ubeka uhulumende kaMongameli Emmerson Mnangagwa umlandu wokungahleleli ikusasa likazulu isikhathi sisasekhona. Okuyinto esekelwe ngumsekeli wakhe njalo, uMnu. Ndlovu.


“I-planning kahulumende ayisiyo-planning ye-two years, you have to plan ahead ukwazi ukuthi i-population iyakhula, i-industry iyakhula and at any given time awukwazi ukuthi ube-surprised ukuthi awusela magetsi awenelayo. So, uhulumende okhona akazange akulungiselele lokho. Pho ngabe kuyikuthi uhulumende akalawo ama-plans edlula iminyaka emibili, emithathu, sizithola sesiyilokho esesiyikho khona manje. Lokho siyakusola kakhulu ngoba kubambelela abantu abalama-companies, i-industry lezinye izinto ukuthi ilizwe lethu likhule liye phambili.”

Kodwa unobhala wogatsha olubona ngezokutholiswa kwamandla kagetsi lokuthukiswa kwendlela zokuwapheka, uDr Gloria Magombo, utshele intathelizindaba kunsukwana ezisanda kwedlula ukuba uhulumende wenza konke okusemandleni akhe ukudinga ezinye indlela zokutholisa ilizwe amandla kagetsi.

“Imali engage 400 million seyabekwa eceleni ukuthuthukisa ukutholakala kwamagetsi ko-Bulawayo lase-Hwange. Sesivuselela njalo ukuphekwa kwamagetsi kuzititshi ezincane koBulawayo, eHarare leMunyati.”
Enye ingcwethi kwezomnotho uMnu. Lubani Nondo upha umbono wakhe phezu kwesimo sokusilela kwamandla kagesti elizweni lokuthi siphazamisa kanjani kwezomnotho.

“Ngoba uhulumende ngabe kehlulekanga ngabe kazange enze amazaba, ama-excuse, ngabe lamhlanje iZimbabwe ilegetsi enelayo. Ngabe lamhlanje iZimbabwe ilegetsi ekwana ilizwe lonke siphinde siyithengisele kwamanye amazwe. Ngabe iZimbabwe, ngabe lamhla senza i-solar powered energy. Kodwa uhulumende wenzani; waziqhatshela umuntu endaweni yokuti ayenze amagetsi, yena wayakha imikhukhu. Sisayikhumbula indaba ye-Gwanda , ujaha aze azakhele imikhukhu yakhe.”

Abe-MDC bathi bayilona bandla elizimisele ukulungisisa udaba lokusilela kwamagetsi njengoba belazo inhlelo abazaziqhuba bangakhethwa ukuba bakhokhele ilizwe abangeke baziveza okwamanje. Bathi balulungele ukhetho loka 2023 njalo bezoncintisa kizo zonke izikhundla kusukela kwezephalamande eziphezu kwamakhulu amabili-210, ezamakhansila phose inkulungwane ezimbili-1,958 kanye lesika mongameli.

Facebook Forum

XS
SM
MD
LG