IZimbabwe Gender Commission ithi isifaka isicelo kuhulumende sokuba inhlanganiso zenkolo zilawulwe nguhulumende.
Okwamanje, lezihlanganiso ngezokuzithandela emthethweni, ngakhoke i-ZGC ifuna zilawulwe, ukwenzela ukuthi abantwana bathole ukuvikelwa ngokusemthethweni.
Lokhu kubuya ngemva kokuqansa kwenani labantwana abangamankazana abadlwengulwa kwezinye zalezi nhlanganiso zenkolo, ikakhulu abokholo lwesipostoli.
Abantwana abakhonza ukholo lwesipostoli batholakala besendiswa bengakanelisi iminyaka evumela ukwenda ngomthetho eyetshumi lasitshiyangalombili.
Kumnyaka odluleyo kwabhubha umntwana uAnna Machaya, owayeleminyaka elitshumi lanhlanu ebeletha kundawo yesispostoli engwele esabelweni se-Manicaland.
UMnu. Nqobani Sithole, oligqwetha elizimeleyo owenkampani yeSithole Ncube Attorneys, uthi kuqakathekile ukuvilela abantwana sonke isikhathi.