amalinks wokungena

Breaking News

EleMelika Lethesa Indodana kaMnangagwa Izijeziso Zenotho Phambilini Komhlangano kaBiden Labakhokheli Bamazwe aseAfrica


President Emmerson Mnangagwa

WASHINGTON DC - Uhulumende waseMelika ngoMvulo wethese indondana kaMongameli Emmerson Mnangagwa, uEmmerson Mnangagwa Jr., kanye loNkosikazi Kakudakwashe Tagwirei, uSandra Mpunga, izijeziso zenotho esithi ababili laba benza imisebenzi yenkohlakalo, i-corruption.

Ugatsha lukahulumende weMelika olweOffice of foreign Assets Control (Ofac), lwazise ukuthi uMnangagwa Jr. lomkaTagwirei bafakelwe izijeziso lezi ndawonye loNqobile Magwizi loObey Chimuka kanye lamankampani amabili alobudlewano loTagwirei abalisa eyeFossil Agro leyeFosil Contracting.

Izijeziso lezi zandulele umhlangano omkhulu ophakathi kukaMongameli weMelika uMnu Joe Biden labakhokheli bamazwe aseAfrica oweUS-Africa Summit oqala namuhla eWashington DC.

UMongameli Mnangagwa yena kanxuswanga ngoba ungomunye wamalunga eZanu PF afakelwa izijeziso zenotho nguhulumende waseMelika ebethesa umlandu wokwephula amalungelo kazulu.

UMnu Tagwirei, ongumnikazi wenkampani yeSakunda Holdings njalo engumngane kaMongameli Mnangagwa, yena wetheswe izijeziso ngomyaka ka2020.

EleMelika lazise njalo ukuthi selesule amabizo amalunga eZanu PF alitshumi lasikhombisa, 17, kuluhlu lwalo lwezijeziso, abalisa uMnu Rugare Gumbo, Ignatias Chombo, Nicholas Goche labanye.

Lanxa ibandla leZanu PF lisola amabandla aphikisayo lisithi yiwo akhankasela izijeziso, Isiphathamandla sebandla leCCC eMelika uMnu Tim Muringai uthi abangeni ndawo kudaba lwezijeziso lolu ngoba kuludaba oluphakathi kweMelika leZanu PF.

please wait

No media source currently available

0:00 0:03:06 0:00

Ilunga leZanu PF uMnu Joseph Tshuma, yena usole kakhulu lezizijeziso esithi eleMelika slikuvezile sobala ukuthi alizimiselanga ukuvuselela ubudlelwano balo leZimbabwe.

please wait

No media source currently available

0:00 0:03:23 0:00

Facebook Forum

XS
SM
MD
LG