amalinks wokungena

Breaking News

Umfanekiso Wevideo Otshengisa Amalunga eZanu PF Esithi uChamisa Abulawe Wethusa Abanengi


Amalunga ebandla leZanu PF betshaya islogan sokuthi uChamisa abulawe.
Amalunga ebandla leZanu PF betshaya islogan sokuthi uChamisa abulawe.

Ibandla leCCC lithi amapholisa kumele abophe abasekeli beZanu PF laba ngoba betshotshozela udlakela.

Ibandla leCCC selisole abasekeli beZanu PF abaphume kwenye i-video esenkundleni zokuxhumana betshaya i-slogan besithi umkhokheli weCCC uMnu Nelson Chamisa kumele abulawe.

I-CCC ithi isehlakalo lesi siveza sobala ukuthi iZanu PF iqoqa udlakela phambilini kokhetho luka2023.

Ibandla leCCC lithi amapholisa kumele abophe abasekeli beZanu PF laba ngoba betshotshozela udlakela.

Kunyanga ezisanda kwedlula kulelunga leZanu PF uMnu Abton Mashayanyika laye okhulume komunye umhlangano esithi uChamisa kumele ebulawe.

Ngemva kokuhlokoma kwabantu, amapholisa athembisa ukuphenya kodwa lanamuhla uMashayanyika kakabotshwa.

I-CCC ithi ukungabotshwa kukaMashayanyika labasekeli beZanu PF laba abakusehlakalo esitsha kuveza sobala ukuthi amapholisa asebenza leZanu PF.

Ilunga leCCC uMnu Job Sikhala uselengxenye yomnyaka evalelwe eChikurubi ngemva kokubotshwa esetheswa icala lokutshotshozela udlakela.

Sixoxe lelunga leCCC uMnu Abednico Bhebhe.

please wait

No media source currently available

0:00 0:03:21 0:00

‚Äč
XS
SM
MD
LG