Inkantolo yeHigh Court namuhla uzahluza isicelo esitsha sommeli weZengeza West edale lephalamende njalo elilunga leCCC uMnu Job Sikhala esokuthi akhululwe ngesibambiso se-bail.
USikhala uselenyanga eziyisithupha evalelwe eChikurubi Maximum Prison ngemva kokubotshelwa icala lokuphehla udlakela. Ibandla lakhe lithi uyahlukunyezwa nguhulumende weZanu PF ngendaba zombusazwe, okuyinto elandulwa libandla elibusayo.
Umthethwandaba weHigh Court lokamantshi isiyale ukwamukela izicelo zokukhululwa kukaSikhala ezilitshumi.
Yena uSikhala izolo wethule umbiko efisela uzulu weZimbabwe ikhisimusi enhle njalo esithi lanxa ebotshelwe ize, akalanzondo enhliziyweni yakhe kodwa ugcwele uthando oluqondiswe ngitsho lakulabo athi bayamhlukuluza.
USikhala ukhuthaze umkakhe kanye labantwabakhe ukuthi beqine njalo bengaze bephuka umoya ngokubotshwa kwakhe.
Ukuhlaziya loludaba sixoxe lesiphathamandla seCCC eMelika uMnu Tim Muringai.
