UMongameli Volodymir Zelensky wele-Ukraine, osekwethekeleleni kwele melika ngemva kokunxuswa nguMongameli Joseph Biden, wethule umbiko wakhe oqakathekileyo edale lephalamende ele-Congress izolo.
Lokhu ngokwakuqala ukuthi umkhokheli wele-ukraine aphume elizweni ngemva kokuhlaselwa ngele-Russia mhlaka 24 kaMbimbitho lonyaka.
UMongameli Biden uthembise ukwengeza uncedo oluphiwa ele Ukraine kunkulumo azenze lomunye wakhe uzelensky izolo. Ingcwethi ezicubunguli ezombusazwe zithi ukunxuswa kwakhe ngalesisikhathi kuveza ukuzimisela kuka Biden lebandla lakhe elama-Democrats ukuqhubekela phambili besipha usizo lwemali kanye lezikhali kwele Ukraine.
Ukuhlaziya udaba lolu, sixoxe lesizalwane se-Zimbabwe uMnu. Raphael Mthombeni olandela ezombusazwe.
UMnu. Mthombeni uthe UMongameli Biden lebandla alikhokhelayo elama-Democrats benze kuhle ngokunxusa uMongameli Zelenskyy ngoba kutshengisela ukuzimesela ukusekela ele-Ukraine empini yalo lele-Russia
