Amapholisa awe Zimbabwe Republic Police abika ukuba ingozi zomgwaqo zibulele abantu abanengi ngekhefu leKhisimusi.
Abantu abaphose bafike ikhulu-92 babikwa befile kusukela mhlaka 15 kusiyafika hlaka 26 ka-Mpalakazi, kwalimala abaphezu kwamakhulu amathathu-333. Lelinani likhuphuke ngabantu abangamatshumi amabili nxa kuqathaniswa lesikhathi esifanayo ngomnyaka ka 2021.
Isikhulumeli samapholisa u-Assistant Commissioner Paul Nyathi, utshele iStudio 7 ukuthi ingozi zomgwaqo ezinengi ezanzakalayo ngalezinsuku zilakho ukuvinjwa, alubana abatshayeli bengahamba ngonanzelelo. Uthe inengi zalezingozi zibangelwa yibutshapha babanye abatshayela benathile, kumbe abayabe besephula imithetho yemigwaqo ngokutshayela ngesiqubu becina bengqikilana lezimota abaphambana lazo.
“Sithole ukuthi kusukela mhlaka 15 December kuze kube mhlaka 26 December, kufe abantu abang-19, kulimale abantu abangu 333, njalo ama-accident esiwatholileyo yi-1285. Singananzelela ngo-2021, sibe le-1226 ama-road accidents, abantu abafileyo – 72, abalimalayo – 337.” Kutsho uNyathi.
“Izimota ezinengi ezenze ama-accidents yizoleziyana esizithi ngama-family cars; imota zemuli kumbe ama-private cars. Sibone ukuthi babtshayeli abanengi nxa betshayela laphana, bayahamba besenza esikuthi yi-encroaching onto the lane of oncoming traffic. Abanye njalo bazama uku-over-taker lapho abangafanelanga khona.” Kwengeza u-Assistant Commissioner Nyathi.
