Inkampani kahulumende ebona ngokulawulwa komsebenzi wezamafutha ezimota, eyeZimbabwe Energy Regulatory Authority, isikhiphe umbiko oveza ukuba sokukhutshulwe intengo yamafutha epetulo ledizili.
Lokhu kungemva kokwehliswa kwalezintengo kuliviki ephelileyo ngamasenti alinganayo.
Amafutha e-pethulo asezabiza idola leMelika lengxenye $1.50. Ikhuphuke ngamasenti amabili kuthi amafutha e-dizili wona asezabiza idola leMelika lamasenti angamatshumi ayisithupha lanhlanu $1.65. Ikhuphuke ngamasenti amathathu.
UMnu. Rejoice Ngwenya, ingcwethi yezomnotho, uthi amagalaji eZimbabwe athengisa amafutha ezimota ngentengo etshiyeneyo ngakho-ke akwethusi okwenziwe yiZERA.
“Sezwa kuthiwa khona ngeviki ephelileyo, uhulumende le-ZERA yehlisa intengo yamafutha. Kwakutshengisa vele ukuthi abantu babengajabuli ngakho, ngoba ukwehlisa intengo yamafutha nge-2 cents; akutsho lutho. Vele awusoze ukunanzelele.
"Ama-petrol stations athengisa amafutha ngentengo ezitshiyeneyo. Nxa uvele ungasatshelwanga ukuthi iyehlie, awusoze wakwazi."