Uzulu usale ebambe owangaphansi ngemva kokuba umthethwandaba uthe amapholisa aqale ayodinga ubufakazi bokuthi uMnu. Job Sikhala wadala icala andubana athoniswe ngomnyaka ozayo.
USikhala, osevalelwe estokisini okwedlula inyanga eziyisithupha engathoniswa, ubesemthethwandaba izolo lapho kade kuthiwe icala lakhe lizaqala ukuthethwa.
Amagqwetha akhe ahle afaka isicelo sokuthi aphiwe ithuba lokuhlawula imali yesibambiso ukuze athoniswe evela endlini.
USikhala secele ukuphiwa isibambiso okwetshumi lasipthupha kodwa umthethwandaba usala.
USikhala uzakuzwa namuhla ukuthi isicelo sakhe samukelwe na kumbe uzangena umnyaka omutsha evalelwe eChikurubhi.