Inengi lithi umnyaka lo esiwusungule ngempelasonto ubonakala njengani uzakuba ulukhuni.
Ukhetho lokudinga umongameli lenye inkokheli luzenziwa kuwonalo umnyaka.
Umnotho welizwe uqhubeka usiya nganxele, inengi lingela msebenzi njalo lentengo ezitolo isidla phezulu.
Kodwa uhulumende yena uthi konke kuhamba ngemfanelo. Abanye bathi izithembiso ezenziwa nguMongameli Emmerson Mnangagwa edinga usekelo ngomnyaka ka 2018 kazifezanga.
Lezi zithembiso zibalisa ukulungisisa ezempilakahle, amandla kagetsi lokusungula imisebenzi.
Abanye bathi uhulumende engabuyela esihlalweni akusoze kubge lolububelo.
Kodwa ibandla le Zanu PF lithi lifuna ukuphiw elinye njalo ihlandla lombuso ukuze liqhubeke lenhlelo zalo.
Ukuhlaziya loludaba sixoxe loSenetha Khaliphani Phugeni ukuze sizwe imbono yakhe ngaloludaba.
Lokhe sikadaba lunye, ibandla le Zanu PF lithi umnyaka esisanda wugqiba ubulukhuni kodwa inhlelo zalo ziphumelele.
Sixoxe lesiphathamandla sebandla le Zanu PF, uMnu. Kudakwashe Munsaka ukuze sizwe imbono yakhe ngokwenzakale ngomnya ophelileyo njalo lokuthi umnyaka lo esiwuqalayo uzakuba unjani.
