Uhulumende uthi abantwana besikolo abazaqala ukufunda kungelambadalo kuyonale iterm ngabezikolo zemaphandleni.
Echasisa ngalelinyathelo, umphathintambo wezemfundo ye Primary le Secondary, uMnu. Edgar Moyo utshele iphephandaba le Chronicle ukuthi ngokuya kwesikhathi abantwana bonke bazafunda kuingelambadalo.
Kunjalo nje, inhlanganiso yababalisi i-amalgamated rural teachers association of zimbabwe ikhiphe umbiko enkundleni youkuxhumana ebulenjini, i-Twitter, inxusa uzulu, okuhlanganisela ababalisi, abazali labanye, ukuzoncedisana labo ekubhikitsheni abakuqoqayo ngolwesihlanu.
Bathi umkhankaso lo, olendikimba ethi “#Saveour EducationZW”, uqakathekile ngoba uzatshengisela uhulumende ukuthi ukungathembeki kwakhe akujabulisi izizalwane ze-Zimbabwe.
Ababalisi bathi bathenjiswa iholo elingamadola awelemelika phose angamakhulu amahlanu lengxenye – US$540 ngenyanga ngomnyaka owedluleyo.
Kodwa lanamuhla leyo mali abakayiboni.
Izolo, eyinye njalo inhlanganiso emela ababalisi, i-Progressive Teachers’ Union of Zimbabwe – PTUZ, ilobele uhlangothi oluqatsha izisebenzi zikahulumende olwe-Public Service Commission icela umhlangano lomqatshi izikolo zingakavulwa. Lenhlanganiso ye ARTUZ ilezikhalazo ezifanayo.
UGaynor Gumede Sayidi weStudio 7 uxoxe lesikhulumeli se-ARTUZ, uMnu. Thembakuye Moyo ngaloludaba.
