Umphathintambo kahulumende obona ngeziphathelane labesifazana uNkosikazi Sithembiso Nyoni uthi ugatsha lwakhe luyasola kakhulu udlakela oluqhamuke ngomnyaka odluleyo kwezinye izigaba zelizwe kuqhutshwa ukhetho lwama by-elections.
Abanye abesifazana balimala kuloludlakela njalo ibandla eliphikisayo eleCitizens Coalition for Change lihlezi lisithi amalunga ebandla leZANU PF yiwo abangela ubudlwangu-dlwangu lobu, kodwa uNkosikazi Nyoni uthi ngumlandu wamapholisa ukuthi abophe abadala amacala kubonakale ukuthi ngobani.
Kungxoxo ayiqhube loSithandekile Mhlanga weStudio 7, uNkosikazi Nyoni, yena omela iNkayi North edale lephalamende njalo engowebandla leZANU PF ukhuthaza abazali ukuthi bondle kuhle abantwana ukwenzela ukuthi bengabangeli udlakela kusasa njalo bengahlukuluzani ezindlini.
