Obefuna ukuhambisa emthethwandaba udaba lokuphikisa ukudwetshwa kutshwa kwemingcele yokuvota, idelimitation, uMnu. Tonderai Chidawa, ubikwa ebotshiwe izolo.
UChidawa uthi njengoba amakhomishina eZEC ayisikhombisa engasayinanga ugwalo lwe delimitation evumelana lomgcinisihlao, uNkosikazi Priscilla Chigumba kumele loluhlelo lungamekulwa.
UChidawa wethule umlayezo we Whatsapp ngeSonto esithi kulabantu abamlandelayo abacatshangelwa ukuthi ngama CIO.
Iphephandaba lobulembu ele Zimlive.com lithi igqwetha lika Chidawu, uMnu. Lovemore Madhuku uthi ubotshwe izolo ekuseni.
Leliphephandaba lithi ama CIO abikwa esebenzisane lamapholisa akwele South Africa ekulondeni omunye njalo umlandeli webandla le Zanu PF eJohannesburg, uMnu. Marx Mapungu kodwa awamtholanga.
UMapungu nguye owafaka isecelo emthethwendaba nyakenye esokuthi umkhokheli wabahluli, uChief Justice Luke Malaba ukuthi engaxotshwa umsebenzi lanxa esenelise iminyaka yokuthi ayephumula.
