amalinks wokungena

Breaking News

Kubekwa Umsekeli Kamqeqetshi Weqembu Lesizwe Lomdlalo Wekhilikithi Yabesifazane


Kubekwa uSinikiwe Mpofu

Umuyi obengumsekeli kamqeqetshi weqembu labesifazane elimela ilizwe emdlalweni kakhilikithi elama-Chevrons, uSinikiwe Mpofu, usechazwe njengomqali wesiziba emdlalweni lo kwele Zimbabwe.

UMaMpofu, obesaziwa ngegama lokusoma elithi Sneeze, ubekwe ngoLwesithathu emathuneni eLady Stanley ngemva kokudlula emhlabeni mhla ziyisikhombisa kunyanga kaZibandlela.

Ngesikhathi edlula emhlabeni ubengumqeqetshi weqembu leMountaineers aphinde njalo abengumsekeli kamqeqetshi weqembu labesifazane elimela ilizwe emdlalweni kakhilikithi.

Umdlali weqembu lesizwe, uNomvelo Sibanda, uthi udabuke kakhulu ngokwedlula emhlabeni kuka MaMpofu.

“Lokhu ngizama ukuthi ngikholwe ukuba akasekho emhlabeni kodwa ungani ngiyaphupha. Umqeqetshi uSneeze besengileminyaka elitshumi lanhlanu ngimazi njalo ubengumuntu obehlala elamadlabuzane, othanda ukuhlala ekholisa njalo ubelosizo kakhulu empilweni yami engiphathisa nxa ngibhekane lengxaki."

Omunye njalo umdlali obeqeqetshwa nguMaMpofu kuqembu lesizwe, uNoreen Tshuma, laye uthi inhliziyo yakhe iyopha ngokutshiywa ngumqeqetshi wabo.

“Ngizwa ngidabuke kakhulu phakathi ngoba ubengumuntu oseduze kithi, umuntu ebesiphila laye ngoba isikhathi esinengi ubengumuntu ebesikhangelele kuye njengomuntu owasukela ngapha koBulawayo. Ubeyisibonelo esihle kithi."

Isikhulumeli seqembu labesifazane elimela ilizwe emdlalweni kakhilikithi, uYvonne Mangunda, uchaze uMpofu njengomuntu odlale indima enkulu ekuthuthukiseni umdlalo kakhilikithi kwele Zimbabwe.

“Silendaba ezehlukeneyo ngoSinikiwe lendlela athinte ngayo impilo zethu. Inengi ligxila ekutheni ubengumsekeli kamqeqetshi weqembu lesizwe kodwa ungakukhangela uqathanisa lomdlalo wenguqu uzananzelela ukuba wenze into emangalisayo ngoba ube ngowesifazane owakuqala ukuba ngumqeqetshi weqembu lesizwe,”

UMaMpofu ubeseleminyaka engamatshumi amathathu lesikhombisa eyokuzalwa njalo utshone kungakabi lenyanga umkakhe uShepherd Makunura laye edlule emhlabeni.

Utshiye ingane ezimbili uFarell kanye loTyrese.

Facebook Forum

XS
SM
MD
LG