Amanye amabandla ezombusazwe amancane athi lawo ahlangana lokwethuselwa ngesikhathi ekhanasela ukhetho oluzayo kulandela ukutshaywa kwabogogo labokhulu abangamalunga eCCC ngabantu abanakanelwa ukuthi ngabebandla leZanu PF.
Udlakela lolu solusolwe ngabanengi abalwela amalungelo oluntu abafana labeAmnesty International, leZimbabwe Human Rights NGO Forum.
Inhlanganiso zokholo lwesiKhristu ezibalisa eyeZimbabwe Council of Churches leyeZimbabwe Catholic Bishops Conferece lazo zethule imbiko zisola loludlakela njalo zisithi amapholisa kumele abophe bonke abaphatheka kulo.
Wona amapholisa athi asebophe abasolwa abathathu.
Ukuhlaziya loludaba sixhume umkhokheli webandla leDemocratic Union of Matabeleland, iDUMA, uMnu Khulekani Getjenge Ndlovu lomkhokheli weNationalist Alliance Party oncintise kukhetho luka2018 njalo olilunga lePOLAD uMnu Divine Mhambi onguye osungula lingxoxo.
