Washington DC...............
NgoMvulo weviki yesithathu ekaZibandlela minyaka yonke eMelika kunanzwa ikhefu losuku lokuzalwa kowayedume ngokulwela amalungelo abensundu, umnumzana Martin Luther King Jr.
Lokhu kwenziwa njengendlela yokutshengisa inhlonipho ngemisebenzi emihle ayenziwa nguMLK Jr. esaphila, ikakhulu ukulinganiswa kwamathuba phakathi kwabamhlophe labensundu okulokhu kungakafezeki ngokupheleleyo kuze kube manje.
Kungalolu suku abeMelika ababikwa bezinuka amakhwapha bekhangelisisa amaphutha angabe esanzakala elizweni ekulondolozweni kwamalungelo oluntu emizameni yokulungisisa lawo maphutha hatshi elizweni kuphela kodwa lasemhlabeni jikelele.
Ukuze lolusuku luqale ukunanzwa eMelika kwaba ngumcabango owalethwa edale lephalamende eleHouse of Representatives ngababengamalunga alelo dale ngaleso sikhathi, ngemva kokubulawa kuka MLK abenhlanganiso zabamela izisebenzi beqhuqhuzele ukuthi balwethule idale. U-Representative John Conyers lo Senator Edward Brooke yibo abasungula inkulumo yokuthi kubunjwe umthetho wokubeka usuku azalwa ngalo u-King ukuthi linanzwe njenge khefu minyaka yonke.
Ukuhlaziya loludaba lwekhefu leMLK Day, iStudio 7 ixoxe loMnu. Mkhululi Ndabambi, isizalwane seZimbabwe esesihlala esigabeni seIndiana, eMelika.
“Lapha eMelika ukunanzwa kwaleli langa kutsho ukubana inkokheli yakuleli iyavuma amaphutha enzakala kudala ngakhoke beyazama ukuwalungisisa ngokunanza amalungelo oluntu. Thina kunje eZimbabwe kwenzakala amaphutha ngombuqhazwe oweGukurahundi kodwa akula lomuntu oyedwa othe wavuma ukuthi kwaba liphutha kumbe ukuxolisa, ukupholisa amanxeba alokhe ebhibhidla”, kutsho uNdabambi.
Facebook Forum