Amalunga ebandla le-Mthwakazi Republic Party - MRP, uMnu. Lwazi Khanye, kanye loNkosazana Sindisiwe goitse moyo, ababesetheswa amacala amabili, agoqela elokugqugquzela udlame, lelokuziphatha okungahlelekanga emphakathini, mhlaka 5 kaMpandula kumnyaka odluleyo, sebekhululwe kwelilodwa ngumantshi kamthethwandaba owe-Tredgold koBulawayo, uMnu. Tavengwa Sangster.
Kucala eliseleyo abalokhu beletheswa, abasolwa laba babuyela njalo emthethwandaba mhlaka 25 kuZibandlela, lapho eliyathoniswa khona.
Abasolwa laba babotshwe, babehambisa incwadi emthethwandaba omkhulu owe-High Court, eyayilotshwe izikhalazo ngokususwa kwamalunga ebandla labo ayepika entolongweni ye-Khami prison.
Lawo malunga eyesehanjiswa entilongweni ye-Chikurubi Maximum Prison edolobheni le-Harare, oyedwa ehanjiswa-Gwanda Prison.
Umkhokheli waleli bandla uMqondisi Moyo, uxoxa le-Studio 7 ngokugcweleyo ngaloludaba.
“Ye, kuliqiniso ukuthi, mhlaka 23 January 2023, u-Magistrate u-Tavengwa Sangster, uthole uLwazi Khanye loSindidsiwe Goitse Moyo bengela cala lokugqugquzela i-public violence: Okulicala abathi bebotshwa mhlaka 5 September 2022, baletheswa ngemva kokuba behambe e-High Court lamanye amalunga ebandla, besiyatshiya i-petition bekhalaza ngokuthi uku-transfer-ywa kwamalunga ethu esuswa e-Khami, esiya e-Chikurubi lase-Gwanda ku-unconstitutional and unprocedural . Bobubili babo batholakala sebebotshwa phambi kwe-Bulawayo High Court, lapho okwakulamapholisa ayehlome ephelele." kutsho uMnu. Moyo.
