Lamuhla kuhlelo lwethu lwendaba eziphathelane lokhetho, isiphathamandla se MRP sithi uhlelo lwemingcele yokhetho olwe delimitation lujonge ukunciphisa izigaba zeMatabeleland.
Amabandla phose wonke ayakhonona ngohlelo lwe delimitation lolu.
Ukhona umlandeli webandla le Zanu PF osekhweze loludaba emthethwandaba esithi kumele ugwalo lwe ZEC lungemukelwa ngoba amakhomishina likhomisheni ayisikhombisa awalusayinanga lolugwalo, okutsho ukuthi umthetho wephulwa ngoba kumele kusayinwe yiwo wonke amakhomishina eZEC ayithoba munwe munye.
Umthethwandaba wala ukuthonisa loludaba ngesiphangiphangi. Osaphethe isikhundla somgcinisihlalo wogatsha lwabatsha kubandla le mrp, uMnu. Mudenda Chilumbo utshele iStudio Seven ukuthi abalwamukeli lolugwalo oselusayinwe nguMongameli Mnangagwa walubuyisela kuZEC.
Njengoba iStudio Seven ingasekeli hlangothi sixoxe lesiphathamandla sebandla le Zanu PF, uMnu. Kudakwashe Munsaka ukuze sizwe imbono yakhe ngaloludaba.
Lokhe sikudaba lwezokhetho, umkhokheli webandla le CCC uMnu. Nelson Chamisa izolo ubesemthethwandaba ezoseka amalunga ebandla lakhe angamatshumi amabili lasithupha abotshwa ngomgqibelo ebudiriro eharare.
UChamisa uthi ukubotshwa kwabantu laba kutshengisa ukuthi ibandla leZanu PF litshaywa luvalo njalo seliphelelwe.
Inyosi eziloluju yizo ezilumayo ngalokho kumele amalunga la abekezele, kutsho uChamisa.
Ke sizwe amazwi ka Chamisa:
Facebook Forum