Umphathintambo obona ngogatsha lwezokuthwala abantu lempahla, uMnu. Felix Mhona. Izolo wazise ukubana inkampani elamabhasi aziwa ngokuthi yi Zebra Kiss eyayimiswe umsebenzi ndawonye leye Rimbi Travel and Tours (private) Limited, ngemva kwengozi eyehlakalayo emgwaqweni we-Nyamapanda – Harare, emangweni we-Mutoko, e-Mashonaland East, isingabuyisela amabhasi ayo emgwaqweni.
Amabhasi la ayemiswe okwesikhatshana uthwala abantu ngeviki ephelileyo.
Kulomfanekiso wevidiyo owabonakala enkundleni zokuxhumana otshengisa amabhasi amankampani la exotshana ngesiqubu, encintisana kwaze kwenzakala ingozi.
UMnu. Mhona uthe inkampani ye Zebra-Kiss isitshengisele ukuthi izalandela iziqondiso zikahulumende yikho isivunyelwe njalo ukusebenza.
UGaynor Gumede Sayidi we Studio Seven uxoxe locubungula ezombusazwe uMnu. Thandeko Zinti Mkandla ukuze sizwe imbono yakhe ngaloludaba.
Kusenjalo, amabhasi enkampani ye-Rimbi Travel and Tours, wona alokhu emisiwe ukuhamba emigwaqweni. Lokhu kuvezwe ngumpathintambo uMnu. Mhona etshela intathelizindaba izolo, ngaphandle komhlangano oqutshwe eHarare, owokulimukisa uzulu ngengzo zomgwaqo, owe-Road Safety Indaba.
