amalinks wokungena

Breaking News

Amalunga Axotshwa Kubandla leMDC-T Amangalela uMwonzora Esithi Ukhokhela Okungekho Emthethweni


Douglas Mwonzora President MDC T
Douglas Mwonzora President MDC T

Amanye amalunga ebandla le-MDC-T elikhokhelwa nguMnu. Douglas Mwonzora, asemangalele kumthethwandaba inkokheli yalelibandla, uMnu. Douglas mwonzora, uMnu. Morgan Komichi, kanye loNkosikazi Paurina Mupariwa Gwanyanya bephikisa ubukhokheli buka Mwonzora, abathi kabukho emthethweni.

Amalunga la agoqela uMnu. Elias Mudzuri, ongelinye lamalunga asungula ibandla leMDC ndawonye lomuyi uMorgan Tsvangirayi.

UMnu. Den Moyo, umgcinisihlalo webandla le-MDC kwele-Melika, udla amalahle ngodaba lolu.

UMnu Elias Mudzuri
UMnu Elias Mudzuri

“Okokuqala thina singama-members, ama-bona fide members aweMDC. Abanye bethu abafana labo Engineer Mudzuri babekhona from ekuqaleni ngo1999, i-party, ibandla leMDC lisungulwa. So, siyazi ukubana ibandla leMDC ukufonywa kwalo libandla elabunjelwa ukumela izifiso zabantu, lokulwela amalungelo abantu elizweni leZimbabwe ... Libandla likazulu. Abantu yibona aba-decide-dayo i-leadership eyomhlangano. It’s not the other way round ukuthi i-leadership yiyo edecidayo ukuthi ngaobani okumele babe sebandleni.”.

Sixoxe njalo lesikhulumeli seMDC-T, uMnu. Witness Dube, othe lokhu okwenziwa ngamalunga la yikuchithela abantu isikhathi ngoba uMnu. Mwonzora kazifakanga esikhundleni lesi, kodwa wakhethwa ngamalunga ebandla labo.

“Silokudana kakhulu njengebandla leMDC ukuthi amalunga amadala afana labo baba uMudzuri, bayaba lesikhathi sokuthi badlale amandlwane besenza into abayaziyo ukuthi ayisebenzi, bekhasela eziko nje, bezikhiphela inhlonipho; bezinqunula ebantwini ngento engekho. Iqiniso bayalazi ukuthi ubaba uMwonzora wakhethwa ngokusemthethweni ku-congress yethu ...”.

XS
SM
MD
LG