amalinks wokungena

Breaking News

Amapholisa Adinga Abathenga Labasebenzisa Izidakamizwa koBulawayo


Some of the items recovered by the police in Bulawayo at a roadblock
Some of the items recovered by the police in Bulawayo at a roadblock

BULAWAYO - Amapholisa akoBulawayo leziphathamandla zikahulumende ngoMvulo basungule uhlelo lokufundisa uzulu ngengozi lobubi bokuthatha izidakamizwa, ukuthengwa lokuthengiswa kwazo.

Bebemisa izimota lamabhasi athwala abantu abavela lokuya emalotshini alelidolobho bekhwathaza impahla bedinga izidakamizwa abathi sezidale umonakalo omkhulu ezimulini, ikakhulu kwabasakhulayo.

Uhulumende weZimbabwe usungule loluhlelo ngeviki ephelileyo eHarare ngaphansi kwesihloko esithi "No to Dangerous Drugs and Illicit Substances: See Something, Say Something,” kulandela ukumetheka kokuthathwa kwezidakamizwa ngabasakhulayo.

UNkosikazi Tsvagai Fikile Marovatsanga, umsekeli womqondisi wogatsha lukahulumende olubona ngentuthuko yezabelo, uphatheke kulumkhankaso emele umphathintambo wedolobho lakoBulawayo, uNkosikazi Judith Ncube.

Police searching for drugs in Bulawayo
Police searching for drugs in Bulawayo

"Silapha ukuthi size campaigner against idrug abuse eyenzakalayo esigabeni sethu lapha koBulawayo. Am sure I’ts also happening elsewhere. Amadrugs ayingozi kakhulu ngoba isizwe sethu sesiphelile siyananzelela ukuthi abantwabethu akusoze kube le-future nxa besebenzisa amadrugs siyacela kakhulu ukuthi bonke bonalaba abasebenzisa amadrugs bacetshelwe emapholiseni. Amapholisa awasoze ahambe ekhuluma ukuthi khonakhona nguzibanzi ositshelileyo sizama ukuthi siyeqabele isizwe sethu lapha eZimbabwe."

Isikhulumeli samapholisa akoBulawayo, uInspector Abednicho Ncube, uthe ngemva kwalumkhankaso bazaphuma ijumo bebopha abantu abathatha lokuthengisa izidakamizwa.

"… Sifuna ukuthi koBulawayo kungabi lama drugs. Obhemayo uyabotshwa othengisayo uyabotshwa, olimayo uyabotshwa bonke bayabotshwa. Esibadinga kakhulu yilaba abasaplayayo."

UBheki Nkomo, osakhulayo oleminyaka engamatshumi amabili lanye, uthe yena ubenatha kakhulu okudakayo kodwa usethole usizo encediswa yinhlanganiso yeActive Youth Zimbabwe ukuthi atshiyane lokudakayo.

"Impilo yami vele isingeyokuzijabulisa, nxa ngitshayisa emsebenzini ngicabanga ukuthi hayi mele nginathe ukuthi ngizengithi hayi ilanga litshonile. Ilanga ukuthi lingihambele kuhle ngiyabe ngibona engani kube kumele kubelotshwala phakathi. Ya! ukuswelakala kwemsebenzi ikakhulu kwabatsha ngibona yikho okungathi okusuka kubatshotshozele ukuthi uswele into zonkwenza. Akulama recreational facilities amanengi elizweni so abatsha abanengi vele ngathi sokuyifashion njalo lesocial media."

UMichelle Dube, oleminyaka elitshumi latshiyagalombili -18, uthi abatsha kumele benzelwe inhlelo zokubafundisa ngobubi bokuthatha okudakayo.

Police impound some drugs at a roadblock in Bulawayo
Police impound some drugs at a roadblock in Bulawayo

"Indaba yama drugs sihluphile kakhulu sibili ngoba amayouth ayaphela especially ngesikhathi khathesi sokumele siyevota ama youth ayaphela. Nxa ngihamba nje khonapha emalokitshini uyadlula, liyabe libabona emakhoneni besenza into zonalezi and akulunganga. I wish kungaba lokungama programme also, esingafundisana khona ngezingozi zama drugs and all these other things."

IActive Youth Zimbabwe Drug Prevention Services yinhlanganiso encedisa abatsha abathatha izidakamizwa ukuthi baphume kuzo. URomeo Matshazi, osebenzela kulinhlanganiso, uthi kunengi okwenza abatsha bethathe izidakamizwa.

"Ku-age group ka-11,12,13 kubayi peer pressure. Abanye bayabe besithi bafuna ukukhupha izitress ngenxa yamaproblems abahlangana lawo kuma family setups. Abanye siyananzelela ukuthi it’s lack if entertainment. akulama recreational centers. Ngiyakhumbula kudala icity council ibilama youth centers, kulama swimming pool Emakhandeni, Luveve, Mpopoma where by thina we used to go there sisiya swimmer, siyo attend ama-entertainment activities. Khathesi due to lack of ama recreational centers lendawo okufanele abantwana bebehlangana kizo be socialier kukhanya azikho lezondawo lokhu kungaba ngezinye zezimbangela."

Intsha enengi ikhala ngokuthi ayilamsebenzi njalo ayilalutho lokwenza ngakho bacina bebanjwa ngamandla ukuthatha izidakamizwa bezama ukuqeda ukucabanga kunye lokuzilibazisa.

Udubo lwezidakamizwa lusabalele hatshi koBulaway kuphela kodwa lasemadolobheni wonke aseZimbabwe asethwele nzima.

UMongameli Emmerson Mnangagwa ngomnyaka ophelileyo wazise ngokusungulwa komkhankaso wokulwisana lokusetshenziswa lokuthengiswa kwezidakamizwa, oweNational Anti-Drug and Substance Abuse Campaign. Umkhankaso lo ngowokuvimba ukumemetheka kokuthathwa kwezidakamizwa ngabasakhulayo.

XS
SM
MD
LG