Umongameli Joe Biden usechaze eleMelika njengelizwe elingena ebunzimeni kodwa liphuma seliqinile njalo selibambene kulalokho eliyabe libe yikho ekuqaleni kodubo. UBiden ubesethula amazwe akhe awesimo sesizwe, iState of The Union Address izolo ebusuku esigodlweni se The House.
UBiden uthe eleMelika lizaphinda njalo liphume ebunzimeni elikubo liqine saka.
Kuminyaka emibili edluleyo umnotho welizw lethu ubumi manzonzo.
Kodwa ngimi lapha nje namuhla sesisungule imisebenzi eyizigidi ezilitshumi lambili – okuyimisebenzi eminengi edalwe ngeminyaka emibili ukwedlula bonke omangamali abakwenza ngeminyaka emine,” kutsho uBiden.
UBiden uthe kuminyaka emibili edluleyo ubhubhane lwe Covid lwavalisa amabhizimusi lezikolo lavimba okunengi. Namuhla, iCovid ayisiyiyo ekhokhela impilo zethu, kutsho uBiden. Wengezele wathi kuminyaka emibili edluleyo eleMelika libhekane lobunzima selokhu kwaqhamuka lempi yomvukela.
UBiden uthe icebo lakhe lokuvuselela umnotho welizwe libalisa ukuthuthukisa indawo ezikhohlakeleyo labantu abangananzwayo.
Kungaba nguwe obukeleyo usendlini. Uyakhumbula na imisebenzi eyakuphunyukayo? Uyazibuza ukuthi kambe ikhona indlela engavuselela impilo yakho ungasukanga elizweni. Ngiyakuzwa. Yikho sisakha umnotho ungakhethi muntu.
UBiden ukhuthaze amalunga ebandla lama Republicans ukusebenzelana ndawonye labebandla lakhe esithi njengoba besebenze bonke kuhlandla lombuso wakhe eleminyaka emibili edluleyo kaboni kulesizatho sokungasebenzi ndawonye.