Amapholisa athi asebophe abantu abangamakhulu aphezu kwayisithupha, 636, phansi komkhankaso wawo wokulwisana lokusetshenziswa kwezidakamizwa obizwa ngokuthi ‘Operation No to dangerous drugs and illicit substances, osungulwe ngeviki ephelileyo.
Isikhulumeli samapholisa uMnu Paul Nyathi wazise izolo ukuthi ngoMvulo kuphela, babophe abantu abangamakhulu phose amathathu, 277.
Phansi kwaloluhlelo, amapholisa amisa abantu, amabhasi lezimota emigwaqweni eguduza impahla edinga izidakamizwa ezigoqela insangu, i-chrystal meth lezinye ezitshiyeneyo.
Kubotshwa bonke abathegise lezizidakamizwa kanye labazisebenzisayo. Kodwa abanye bathi endaweni yokuthi kubotshwe abantu abasebenzisa izidakamizwa lezi, uhulumende kumele abethulele inhlelo zokubaphathisa ukuthi batshiyane lalumkhuba.
Abalwela amalungelo bona bathi besabela ukuba abantu bengacina behlukuluzwa njalo sokubotshwa labamsulwa phansi kwaloluhlelo.
Ukuhlaziya loludaba, sixoxe lomqoqi obona ngokuqhutshwa kwenhlelo zenhlanganiso yabasakhulayo eyeLupane Youyt Development Trust uMnu Tawanda Mazango.
