amalinks wokungena

Breaking News

Abalamaphepha eZimbabwe Exemption Permits Abadinga Amatsha Kungakapheli uNhlangula Bamelele Impendulo Kahulumende Wakwele South Africa


Amapholisa labakuhlangothi lwendaba zekhaya bahlola amaphepha abadabuka kwamanye amazwe eJohannesburg.
Amapholisa labakuhlangothi lwendaba zekhaya bahlola amaphepha abadabuka kwamanye amazwe eJohannesburg.

Abadabuka eZimbabwe abalamaphepha eZimbabwe Exemption Permits bathi eleSouth Africa kalikabaphenduli kulandela ukuphanyeka izicelo zabo kuhulumende zokuthola amaphepha amatsha okuhlala lokusebenza kulelolizwe kungakafiki umhlaka 30 Nhlangula.

Bathi sebedlela evalweni ngoba akwaziwa ukuthi kuzaphumani kuhlangothi olubona ngendaba zekhaya, oluhlola amaphepha abawahambisa kugatsha lolu kusukela nyakenye.

Kulabanye abacela ukuba bevunyelwe ukuhlala kulelolizwe okusemthethweni loba bengasoze bethole amaphepha amatsha.

Kasenelisanga ukukhuluma leziphathamandla zikahulumende ngodaba lolu ngoba bezingaphenduli omakhalekhukhwini.

Uhulumende wakwele South Africa ubike nyakenye ukuba uzamisa uhlelo lweZimbabwe Exemption Permits.

Ibandla leAfrican National Congress kubikwa ukuba selifuna ukuvimba ukuthi abokuza bathole amaphepha amatsha kusetshenziswa imitshado elabantu abadabuka kwamanye amazwe lezizalwane zakulelolizwe.

Omunye wabadinga amaphepha amatsha nguMnu. Sipho Ngulube, othi uzabuyela ekhaya engehluleka ukuthola amaphepha amatsha okuhlala lokusebenza kwele South Africa.

‚Äč
XS
SM
MD
LG