amalinks wokungena

Breaking News

I-United Nations Icela uMnangagwa Ukuthi Engasayini iPrivate Voluntary Organizations Bill Ngoba Iyancindezela


United Nations
United Nations

Ingcwethi zeUN lezi zithi njalo umthetho lo, uthathela inhlanganiso ezisola uhulumende ilungelo lokukhuluma zikhululekile njalo awuhambelani lombuso okhululekileyo.

WASHINGTON DC - Ingcwethi ezibona ngokulondolozwa kwamalungelo oluntu kumanyano weUnited Nations (UN) zethule umbiko ngoLwesibili zikhuthaza uMongameli Emmerson Mnangagwa ukuthi engasayini i-Private Voluntary Organizations Amendment Bill ukuthi ibe ngumthetho opheleleyo ngoba zisithi yephula amalungelo kazulu njalo izabangela ukuthi uhulumende avale ezinye inhlanganiso ezizimeleyo.

I-bill leli selapasiswa ngamadale ephalamende womabili njalo selimelele ukusayinwa nguMnangagwa.

Ingcwethi zeUN lezi zithi njalo umthetho lo, uthathela inhlanganiso ezisola uhulumende ilungelo lokukhuluma zikhululekile njalo awuhambelani lombuso okhululekileyo.

Ngokunjalo, zithi uMnangagwa akumelanga awusayine. Zengeze zathi zizimisele ukusebenza leZimbabwe ukuthi ilolongwe lumthetheo ukuze uhloniphe ilungelo loluntu andubana usayinwe.

"Lanxa enye yenjongo zalumthetho ingeyokulwisana lokutshaphazwa kwemali eZimbabwe kanye lobudlova, imigqa eminengi esemthethweni lo ilomthelela ohlasimulisa umzimba kunhlanganiso ezizimeleyo," kutsho ingcwethi zeUN lezi.

"...Ikakhulu kulabo abaphikisa uhulumende. Ngokusayina lumthetho, iziphathamandla zizabe sezivala umbuso okhululekileyo ovele usunciphile."

Sehlulekile ukuxhumana lesikhululemi sikaMnangagwa uMnu George Charamba ngaloludaba.

Kodwa uhulumende uthi akabuyeli muva kudaba lwalumthetho lanxa usolwa ngabanengi. Uthi injongo yawo emqoka ngeyokwenqabela ukuganga okwenziwa ngezinye inhlanganiso ezizimeleyo.

Ingcwethi kwezombusazwe uMnu Effie Dlela Ncube utshele iStudio 7 ukuthi uvumelana lenkuthazo yengcwethi zeUN yokuthi uMnangagwa engasayini i-bill le ngoba izakuba ngumthetho omubi kakhulu.

please wait

No media source currently available

0:00 0:02:16 0:00
‚Äč
XS
SM
MD
LG