Umphathintambo kahulumende obona ngezemali yelizwe, uMnu. Mthuli Ncube, ngolweSithathu uthe sokuhlelwe umhlangano lenhlanganiso kanye lamazwe aboleka eleZimbabwe imali.
Lezi nhlanganiso ziqoqela ibhanga lomhlaba iWorld Bank, African Development Bank, European Investment Bank, kanye lamazwe alitshumi lasikhombisa abumba iqembu elibizwa ngokuthi, yiParis Club of creditor nations.
Injongo yalumhlangano ngeyokuxoxisana ngemali ezakwelediswa eleZimbabwe, elokhu ingakabhadalwa, lehlawulo okwakumele iphiwe abamhlophe abasuswa emaplazini.
IZimbabwe isileminyaka eyedlula engamatshumi amabili yamiswa ukukwelediswa imali zinhlanganiso ezinjenge international Monetary Fund lezinye ngenxa yokwehluleka ukubhadala lezo zikhwelede.
Ingcwethi kwezenotho, uMnu. Masimba Kuchera, uthi,“Kuzathatha isikhathi ukuthi kulungiseke ngoba isikwelede esilaso yinkalakatha yesikwelede. Isikwelede lesi sivela khatshana, kubo-2000, uhulumende esehluleka ukubhadala isikwelede esasikhona ngalesos'ikhathi.
"Kodwa sibona ukuthi uhulumende waqhubeka ethatha ezinye izimali njalo; njalo kulendaba le eyokuthi kumele ba-compensate ama-white farmers, abalimi labana; ama-white farmers.”
Facebook Forum