WASHINGTON - Abameli bamazwe ezwekazi leAfrica basemhlanganweni oqhutshwa eHarare, owokucubungula ngezamanzi kwele Zimbabwe, kanye leNingizimu yezwekazi leAfrica.
UMnu. QU Dongvu, umqondisi jikele wenhlanganiso yeFood and Agriculture Organization, utshele umbuthano lo ukuthi umhlaba wonke jikelele usufanele udinge indlela ezinengi, njalo ezilinganayo ezokusebenzisa amanzi.
Umhlangano lo uqhutshwa phambilini komkhulu owe-UN 2023 Water Conference, okhangelelwe ukuqhutshwa esigodlweni somanyano wamazwe eNew York mhlaka 22 kusiya 24 kuMbimbitho.
UMnu. Dumisani Nyoni, umqondisi wohlangothi lwezokulima eNyakatho yeMaNdebeleni, uthi uqakatheke kakhulu umhlangano lo.
“Umhlangano lo olapha eZimbabwe owe-FAO okuze khona loDirector-General weFAO, ukhangela ngodaba lwamanzi. Ukuthi njenge-Africa, inhlelo ezikhona ezokwakhelana endabeni zamanzi, kanye lokukhangela indlela zokusebenzisa amanzi ngobuciko, ukuze asiphe ukuphila; asiphe ukuthuthukisa umnotho wesizwe sakithi leAfrica.”