amalinks wokungena

Breaking News

Kubhubhe Abesifazana Abazithweleyo Abangu-1,734 eZimbabwe Ngesikhathi Bebeletha Ngo2020, Kutsho iWorld Health Organization


pregnant
pregnant

WASHINGTON DC - Ugatsha olubona ngezempilakahle kumanyano weUnited Nations olweWorld Health Organization ngoLwesine lwethule uphenyo oluveza ukuthi ngomnyaka ka2020 kufe abesifazana abazinkulungwane ezingamakhulu phose amathathu, 287,000, ngesikhathi bebeletha kumbe bezithwele emhlabeni wonke jikelele njalo phakathi kwabo, abazinkulungwane phose ezimbili, 1,734, ngabeZimbabwe.

Uphenyo lolu lwenziwe phansi kwesihloko esithi ‘Trends in Maternal Mortality' njalo lukhangela udubo lokubhubha kwabesifazana abazithweleyo phakathi komnyaka ka2000 kusiya ku2020.

Luthi njalo phakathi kwayo yonke imizuzu emibili edluleyo, kufa owesifazana ozithweleyo oyedwa emhlabeni jikelele ngezizatho ezitshiyeneyo ezigoqela ukngatholi inhlelo zempilakahle ngemfanelo.

Okuhlasimulisa umzimba yikuthi isilinganiso sokungamatshumi ayisikhombisa ekhulwini, 70 percent sabomama abangu-287,000 ababhubhe ngo2020, bahlala emazweni asenkabeni kusiya ngasezansi yezwekazi leAfrica, isub-Saharan Africa.

Lanxa inani lababhubhe eZimbabwe lehle kancane ngo2020 lisuka ku1,967 ngo2015, udubo lokufa mahlayana kwabesifazana ngesikhathi bebeletha kumbe bezithwele, i-martenal mortality, lubhahe kakhulu ngoba ezibhedlela akula mithi, kutsho olwela amalungelo abesifazana uNkosikazi Otilia Sibanda oyisiphathamandla njalo senhlanganiso yeBulawayo Progressive Residents Association.

please wait

No media source currently available

0:00 0:02:56 0:00
XS
SM
MD
LG