Umongameli Volodymor Zelensky wakwele Ukraine usexotshe umsebenzi umkhokheli womanyano wabezomvikela, uMnu. Edward Moskalyov.
UZelensky kazange aphe izizatho kodwa kumaviki ambalwa uke waxotsha enye inkokheli yebutho ethiwa ibiphatheke kundaba zenkohlakalo.
Abantu bakwele Germany abedlula inlungwane ezilitshumi lanhlanu babikwa betshengisele kulelolizwe besola ukupha izikhali ele Ukraine okwenziwa nguhulumende wabo.
Kuthi khona kwele Ukraine kulembiko ethi amabutho alelo lizwe aqoqa ukungena kwele Russia babhidlize iziphala zamabhomba.
Lokhu kwenzakala umongameli Joe Bide esithi kasoze aphe ele Ukraine indizamtshina zebutho ezithiwa ngama F16.
UBiden uthi uzqhubeka esipha ele uKraine izikhali kodwa hatshi indizamtshina.
Ukuhlaziya impi yakwele Ukraine sixoxe lolandela ezombusazwe weleMelika, uMnu. Busani Ntini.
